Heill heimur stendur fyrir ráðstefnunni “Flott flóra - leiðin til að tóra" sem fjallar um bakteríuflóruna í meltingarveginum. Ráðstefnan verður haldin 14. maí 2014 í Salnum, Kópavogi frá kl. 13-16:30.
Nýtt EFCCA blað er komið út, hægt er að nálgast það hér
Viljum minna á að þjónustuver Sjúkratrygginga Íslands flutti um sl. áramót í nýtt húsnæði að Vínlandsleið 16 í Grafarholti og er opið alla virka daga frá kl 10-15. SÍ annast framkvæmd sjúkratrygginga og slysatrygginga og því veitir nýtt þjónustuver á Vínlandsleið þjónustu m.a. vegna:
Móttöku á reikningum vegna heilbrigðisþjónustu
- Læknishjálpar
- Tannlækninga
- Lyfjamála
- Slysatrygginga
- Sjúklingatryggingar
- Hjálpartækja
- Sjúkradagpeninga
- Ferðakostnaðar
- Sjúkra-, iðju- og talþjálfunar
- Evrópska sjúkratryggingakortsins
- Endurgreiðslu erlends sjúkrakostnaðar
- Skráningar í tryggingaskrá við flutning til Íslands
Tryggingayfirlýsinga vegna ferða, flutnings og vinnu milli landa
Viljum minna á fræðslufundinn í kvöld 6. mars. Inga Kristjánsdóttir næringarþerapisti að halda fyrirlestur um mataræði og heilsu. Inga er einkaþjálfari og lærði næringarþerapíu í CET, eða Center for Ernæring og Terapi í Danmörku. Hún lauk námi vorið 2006.
Fundarstaður er Skógarhlíð 8, 1. hæð til hægri og hefst fundurinn kl. 20.00. Kaffi verður á könnunni, eitthvað létt og ljúff engt með og vonumst við til að sjá sem flesta.
Við viljum benda á hægt er að nálgast skýrslur stjórnar á heimasíðunni okkar undir flipanum “um samtökin”.
Í DV birtist viðtal við Guðjón Pétur Lýðsson knattspyrnumann sem greindist með sáraristilbólur, hægt er að nálgast það Sjúkdómurinn eyðilagði næstum ferlinn
Aðalfundur CCU var haldinn 11 feb. síðastliðinn. Mæting var vægast sagt mjög dræm en fundurinn fór engu síður fram eftir áður auglýstri dagskrá. Ný stjórn var kosin og í henni eru Edda Svavarsdóttir, Hrönn Petersen, Sigurborg Sturludóttir, Dagbjört Hildur Torfadóttir og Herdís Eva Hermundardóttir. Hún kemur ný inn í stjórn í staðin fyrir Þuríði Rúrí Valgeirsdóttur sem var að hætta og þökkum við henni kærlega fyrir gott samstarf undanfarin ár. Varamenn eru Hrefna B. Jóhannsdóttir og Björn Hermannsson.
Minnum á aðalfund CCU sem verður á morgun þriðjudag, þann 11.febrúar. Fundurinn verður í sal Vistor að Hörgatúni 2 í Garðabæ og hefst kl. 20.00. Eftir fund kemur Birna Huld Helgadóttir til okkar og kynnir soja brauðgrunn sem hún notar á ýmsa máta, Meðal annars bakar hún vöfflur á staðnum, gefur okkur að smakka á mismunandi brauðgerðum, kexi , sykurlausum sultum og þeir sem vilja geta fengið uppskriftir. Upplagt fyrir þá sem vilja forðast hveiti, sykur og ger.
Hlökkum til að sjá ykkur!
Þann 11. febrúar næstkomandi er boðað til aðalfundar CCU.
Dagskrá fundarins er samkvæmt 4. grein laga félagsins:
1. Skýrsla stjórnar um starfsemi samtakanna á liðnu tímabili.
2. Endurskoðaðir reikningar lagðir fram til samþykktar.
3. Tillaga stjórnar um starfsemi næsta árs.
4. Kosning stjórnar.
5. Kosning varamanna.
6. Kosning skoðunarmanna reikninga.
7. Tillögur sem hafa borist.
8. Ákvörðun félagsgjalds.
9. Önnur mál
Þegar fundi er lokið tekur Birna Huld Helgadóttir við. Hún hefur í nokkur ár tileinkað sér hveiti-, ger- og sykurlaust mataræði. Hún ætlar að kynna fyrir okkur soja-grunn sem hún útfærir á nokkra mismunandi vegu til að fá fjölbreytni í brauðgerðina. Boðið verður upp á smakk á nokkrum gerðum af brauði og vöffl ur verða bakaðar á staðnum úr sömu grunn uppskriftinni.Uppskriftir verða tiltækar og Birna lumar eflaust á nokkrum sniðugum lausnum í matargerðinni.
Fundurinn verður í sal Vistor að Hörgatúni 2, Garðabæ og hefst kl. 20:00. Kaffi verður á könnunni og dásamlegar nýbakaðar heilsuvöfflur.