Nú byrjum við Fjólubláan maí á Akureyri. Við verðum á Glerártorgi laugardaginn 3. maí kl. 13 og ætlum að gefa fullt af fjólubláum pokum með klósettpappírsrúllu, ilmspreyi og auðvitað fylgir með upplýsingablað um sjúkdómana

Vilhjálmur Andri Einarsson sem er eigandi hjá Andri ICELAND ætlar að kynna okkur áhrifaríkar leiðir til að bæta líkamlega og andlega heilsu með einföldum aðferðum. Kynnt er hvernig öndun, kuldi, hiti og hugarorka geta hjálpað til við að draga úr streitu, bæta líðan og styðja við betri heilsu í daglegu lífi. Andri útskýrir hvernig þessar aðferðir geta haft jákvæð áhrif á taugakerfið, ónæmiskerfið og almenna líðan. Í lok fyrirlestursins fá þátttakendur tækifæri til að upplifa áhrifin strax í gegnum leidd öndun.

Til að styðja enn frekar við þátttakendur er öllum boðið að prófa frían öndunartíma „Anda með Andra“ í stúdíóinu hjá þeim í Rauðagerði 25.

Rannsóknir benda til þess að reglulegar öndunaræfingar og kuldaþjálfun geti dregið úr langvinnri bólgu, styrkt ónæmiskerfið og stuðlað að betri líðan. Fyrirlesturinn veitir hagnýta og aðgengilega innsýn í þessar aðferðir, sem geta verið gagnlegar fyrir þá sem glíma við langvinna sjúkdóma.

Fundurinn verður í sal Vistor, Hörgatúni 2 Garðabæ og gengið er inn frá Bæjarbrautinni. Við verðum “live” í umræðuhópnum og hlökkum til að sjá þá sem geta mætt í salinn.

Dagskrá:
1. Skýrsla stjórnar um starfsemi síðasta árs
2. Yfirfarnir reikningar lagðir fram til samþykktar
3. Tillaga stjórnar um starfsemi næsta árs
4. Kosning stjórnar
5. Kosning varamanna
6. Kosning skoðunarmanna reikninga
7. Tillögur sem hafa borist
8. Ákvörðun félagsgjalds
10. Önnur mál

Fundurinn verður auglýstur nánar er nær dregur.

Stjórnin.

Elínborg Stefánsdóttir hjúkrunarfræðingur á Göngudeild gigtar og sjálfsofnæmis á Landspítalanum ætlar að koma og fræða okkur um gigtarsjúkdóma, almenn einkenni, fylgikvilla og tengsl gigtar við Crohn´s og Colitis. Fyrirlesturinn verður í sal Vistor, Hörgatúni 2 Garðabæ og hefst kl: 20:00. Hlökkum til að sjá ykkur !

Næsti fræðslufundur verður sameiginlegur með Stómasamtökunum og fyrirlesari að þessu sinni verður Eva Gunnarsdóttir. Hún greindist með ristilkrabbamein rétt um fertugt, þá búsett í London og hún ætlar að segja okkur frá sinni vegferð í gegnum greiningu og meðferð. Sem menntaður sálfræðingur og núvitundarkennari fór hún að rannsaka ýmsa áhættuþætti sem tengjast sjúkdómum og einkum áhrifum áfalla á heilsu.

„Að ná aftur heilsu eftir áföll eða veikindi er langhlaup, það gerist ekki á einni nóttu en með þekkingu, þjálfum og þolinmæði er hægt að ná ótrúlega miklum árangri. Það getur krafist hugrekkis að hefjast handa og að fara út fyrir þægindarammann en árangurinn sem af því getur hlotist er sannarlega þess virði“ segir Eva.

Fundurinn hefst kl. 20:00 og verður í húsi Krabbameinsfélagsins í Skógarhlíð 8, 1.hæð til hægri. Kaffi verður á könnunni og meðlæti eftir fund. Við verðum einnig live í umræðuhópnum en vonumst til að sjá sem flesta í salnum.