Gleðilegan 1. maí og fjólubláan maí :-) Í dag er fyrsti dagur vitundarvakningarátaks hjá CCU samtökunum í tilefni 19. maí sem er alþjóðlegur IBD dagur. Yfir 10 milljón manns í heiminum lifa með IBD og fjölmörg systursamtök CCU um allan heim, undir merki EFCCA, taka þátt í að vekja athygli á sjúkdómunum.

Að þessu sinni mun sálfræðingurinn Ragnhildur Þórðardóttir, Ragga nagli, heimsækja okkur og tala um mikilvægi þess að nærast og njóta matar í núvitund af sinni alkunnu snilld. Fyrirlesturinn verður í sal Vistor, Hörgatúni 2 og hefst kl. 20.00. Við sendum link á Teams fund á félagsmenn og verðum live í umræðuhópnum.  Vonumst samt til að sjá sem flesta í salnum.

Nú er komið að aðalfundi CCU sem verður fimmtudagskvöldið 16. febrúar. Eftir hefðbundna aðalfundardagskrá ætlar Anna Sigríður Jökulsdóttir sálfræðingur á Kvíðameðferðarstöðinni að vera með stuttan fyrirlestur.  Hennar áhugasvið í meðferð er vanlíðan í tengslum við heilsufarsvanda, álag, kulnun og streitu. Fundurinn verður í sal Vistor Hörgatúni 2 og hefst kl. 20:00.  Boðið verður upp á ljúfar veitingar og við hlökkum til að sjá ykkur.

 

Næsti fræðslufundur CCU verður fimmtudagskvöldið 3. nóvember. Fyrirlesari verður Snorri Ólafsson sérfræðingur í meltingarfærasjúkdómum. Hann starfar við sjúkrahúsið Innlanded Gjøvik í Noregi og er einnig fyrrverandi „Associate professor, Loma LInda University Mecical Center“ í Kaliforníu. Fundurinn er sameiginlegur með Stómasamtökunum og verður haldinn í húsnæði Ráðgjafarþjónustu Krabbameinsfélagsins að Skógarhlíð 8, 1. hæð og hefst kl. 20:00.

Næsti fræðslufundur CCU verður fimmtudagskvöldið 6. október. Að þessu sinni ætlum við að vera með fyrirspurnarfund og erum búin að fá nokkrar kjarnakonur til að taka þátt: Anna Lind Traustadóttir næringarfræðingur, Sigríður Hanna Ingólfsdóttir félagsráðgjafi hjá ÖBÍ og svo mæta annaðhvort eða báðar Anna Soffía Guðmundsdóttir sérfræðingur í hjúkrun einstaklinga með meltingarsjúkdóma og Margrét Marín Arnardóttir hjúkrunarfræðingur.

Fundurinn verður í sal Vistor, Hörgatúni 2 Garðabæ og hefst kl. 20:00. Við stefnum á að vera bæði á Zoom og senda út í umræðuhópnum en það væri frábært að sjá sem flesta í sal :-)